old blind dogs

Old Blind Dogs Eskoziako talderik bitxienetakoa da, eta tradiziozko musikaren pizkundeari eusten diote sorreratik. Urteak joan ahala, taldea bilakatu eta heldu egin da, eta egun Eskoziako folk-talde entzutetsuenetako bat da. Hasieran, Dave Francis-ek perkusioa jotzen zuen eta Carmen Higgins-ek biolina. 1992an, Davie Cattenach aurrekoei elkartu zitzaien eta birak egiten hasi ziren orduko lau taldekideek. Lau CD grabatu zituzten Eskoziako KRL disko-etxearekin, New Tricks, Close to the Bone, Tall Tails eta Legacy. 1996an, Fraser Fifield besteekin jotzen hasi zen, eta, hala, Old Blind Dogs taldeko bosgarren kidea izan zen. Fifield-ek bestelako soinua ekarri zion taldeari, jazz-ukitua gaineratzen baitzuen saxoaz, eta gaita jotzeko era berezia baitzuen. Bost taldekideen lehen diskoa, Five izenekoa, 1997an kaleratu zen eta KRL disko-etxearen kontratuari buru eman zion. Orduan, Graham 'Mop' Youngson sartu zen (Wolfstone ohia), Davie Cattenach-en ordez, eta erritmo gogorra baina funkya ekarri zion taldeari. 1998an, oso lanpeturik ibili ziren birak egiten, Estatu Batuetan, Alemania, Espainia, Danimarka eta Erresuma Batuan.

1999an, Old Blind Dogs taldearen osaera aldatu zen. lan Benzie, taldea 1990ean sortu zenetik abeslari izanikoak taldea utzi zuen urtarrilean. Halaber, Fraser Fifield-ek erabaki zuen bakarrik jarraitzea, eta Old Blind Dogs taldeak Eskoziako abeslari itzaltsu eta musikagile Jim Malcolm eta Rory Campbell (Deaf Sheppard) gaita eta txilibitua berera ekarri zituen.

Jim Malcolm-ek Eskoziako musika tradizionala lantzen du. Gainera, gitarra eta harmonika ederto jotzen ditu. Lehen diskoak, Sconeward, harrera ona izan zuen Eskozian, Europan eta Estatu Batuetan. Disko berriak, Rohallion, berehala eskuratu zituen lehen salmenta-postuak Greentrax disko-etxearen eskutik.

Rory Campbell ezaguna izango da Eskoziako talde handiekin jo duelako hala nola Deaf Sheppard taldearekin. Badiote Rory-k “freskotasun eta doitasunez” jotzen duela gaita, “energia handiko doinuak jo” eta “soinuen harrabots loriatsua” darabilela. Rory-k Deaf Sheppard taldean jotzen segitu du, baina Old Blind Dogs taldearekin aritu da 1999an hitzarturik zituzten biretan.

Azken lanak The World's Room izena du, eta Green Linnet disko-etxeak argitaratu zuen 1999ko urrian.

Diskoak: New Tricks, Close To The Bone, Tall Tails, Legacy, Five eta The Worlds Room (Green Linnet Records).

Taldea :
Jonny Hardie : Biolina, Manddin-a eta Koruak.
Buzzy McMillan : Baxua, Txilibituak eta Koruak.
Jim Malcolm : Ahotsa, Kitarra eta Harmonika.
Rory Campbell : Gaita eta Txilibituak.
Paul Jennings : Perkusioa.