georges moustaki

1934an, Alejandrian (egipto) jaioa, greziar gurasoak izan zituen, aitak liburusaltzaile eta amak etxekoandre zihardutelarik. Batxiler ikasketak Alejandriako Frantziar Lizeoan burutu zituen eta 1951ean Parisera joan zen, bere ikasketekin segitu ahal izateko. Han aurkituko zuen bere benetazko bokazioa; musika. Horretan aritzen zen, baina bitartean, etxez etxe, liburuak saltzen eta parisko egunkarietan kolumnak eta frantseserazko egipziar egunkari batean asteroko kronika bat idazten zituen.

Hastapenetan, instrumentista gisa hasi zen; baina laster, garaiko kantari garrantzitsuenen artean; esatebaterako: Piaf, Reggiani, Barbara, Dalida, Montand, Salvador, … harrera ona aurkituko zuten lantak konposatzen hasi zen.

1969. urtean, "Le Métèque" grabatzeak, interprete moduan ospea eman zion. Bere artearen alde berri honek zera ahalbideratzen dio, bere errepertorioa eta lanak: bakar batzuk aipatzeagatik "Milord"en hasita "Sarah"era, "Ma Liberté"tik edota "La Marche de Sacco et Venzetti"tik pasata ezagutzen dituzten berrogeitahamar herrialdetan aurkeztea, hain zuzen ere.

Bira eta disken artean, zinerako ("La Fiancée du Pirate", "La Temps de Vivre", e.a. …), antzerkirako ("Les Capriches de Marianne", "Les Caisses qu´est-ce", "Le Cadeau", e.a. …) eta telebistarako ("Cités a la Dérive", "Du Côté des Musiciens", e.a. …) musika konposatzen du.

Halaber, "Questions á la Chanson" eta "Les Filles de la Mémorie" (Jorge Amadok, bere lagunak idatziriko prefazioaz) liburuen egilea ere bada eta noizbehinka, bere bidaiek inspiraturiko akuarelak eta marrazkiak erakusten ditu.

eta aldiro jotzeko tentaldian amore ematen du. Bere kirolik gogokoena, mahai tenisa du, oso jokalari trebea delarik.

Bere Parisko berragerpena prestatzen duen bitartean, Frantzia eta baita ere planeta osoan zehar bidaiatzen ari da eta bide batez, bere adizkideekin aurkitu, jende berria ezagutu eta bere etengabeko iraultza kantatzen du.

Biretan, 25 urtez ibili ondoren, hogei bat diska, haundienentzako zein berarentzako hirurehun kanta inguru, antzerkirako musika, pelikuletako banda sonoroak, e.a. burutu ditu.

UNESCOk, 2.000. urterako BAKE KULTURAREN ENBAXADOREA izendatu berri du.

50 herrialde baino gehiagotan, kantaldiak eskeini ditu eta orain hogeitahamar urte baino lehenagotik, San Luis irlan bizi izan da. Bertan egunak, idatziz, irakurriz, marraztuz, konposatuz, eta xakean eta mahai tenisean jolastuz ematen ditu.

Le Metequé", disketxe baten Zuzendari Orokor batek bultzatuta grabatu zuen, kantari karrerarik imajinatu ere, ez zuenean egiten. Bere azken aurreko lan "Meditarraneén" aldiz, publikoak eskatuta grabatu zuen. Diska hau, gauregungo eta aldibatera iraunkor bezala katalogatua izan zelarik, Moustakik idatziriko hamar kantez osatuta dago eta konpositoreak, Maxime Leforestier, Joe Rossi, Francoise Rauber eta Keizo Mutsumuraren (japoniar konpositorea, Henri Dutileuxen koikaslea) laguntza jaso zuen.

Argitaratu den bere azken lanak Tout reste à dire, Gang estudioetan grabatua izan denak, ohiko laguntzaileak izan ditu: Muriel Boisson, Marc Bertaux, eta Luiz – Augusto Cavanni (ahotsak, baxua eta bateria), Arnaud Ménthivier, Yvan Cassar, Olivier Louvel, Cacàorekin batera(eskusoinua, pianoa, kitarra, saxoflauta) eta Jean Marie Leauk bildutako kordelezko arlo batekin. Beste behingoz, espazioa eta denboraren inguruka dabil.